Avro-Atlantik təhlükəsizliyin gələcəyi Ukraynanın döyüş meydanında həll olunur və ölkəmizin NATO-ya daxil olması bütün alyansın strateji təhlükəsizliyinə zəmanət olacaq, – Ukrayna Xarici İşlər Nazirliyinin nümayəndəsi Oleq Nikolenko Almaniya mətbuatında yayılan məlumata cavab olaraq belə deyir. Almaniya mətbuatında ABŞ və Almaniyanın hazırda heç bir öhdəlik götürmək istəmədiyinə dair məlumatlar yayılır, bu da NATO-nun 2008-ci il  bəyannaməsinə ziddir.

“Ukrayna NATO-nun problemi deyil, üstünlüyüdür. Ona görə də anonim mənbələrin arqumentlərinə cavab olaraq, Ukraynanın NATO-ya daxil olmasının alyansın özünün maraqlarına uyğun olduğunu vurğulayırıq və tərəfdaşlarımızı liderlik nümayiş etdirməyə çağırırıq”, – deyə Oleq Nikolenko bildirib.

Ukrayna XİN nümayəndəsinin sözlərinə görə, Ukraynanın qoşulmama siyasəti Rusiyanın aqresiyasından qorunmağa kömək etməyib və Minsk prosesi çərçivəsində Ukrayna, Fransa və Almaniyanın diplomatik səyləri də Rusiyanın geniş miqyaslı işğalının qarşısını almağa kömək etməyib.

“Moskvanın məqsədi Ukraynanı tamamilə məhv etməkdir, lakin Ukraynanın NATO-ya qoşulmaq yolunda irəliləyişi Rusiyanı öz aqresiyasını yumşaltmağa məcbur edir”- Oleq Nikolenko qeyd edib.