Norveç Silahlı Qüvvələrinin komandanı general Eirik Kristoffersen bildirib ki, Norveç sərhədi yaxınlığındakı rus qoşunlarının sayı Rusiyanın Ukraynaya müdaxiləsindən əvvəlkindən 20 faiz və ya daha azdır.

Osloda NATO-nun müdafiə rəhbərlərinin görüşündən sonra çıxış edən Erik Kristoffersen Rusiya Prezidenti Vladimir Putinin NATO-nun Rusiya üçün təhlükə olmadığını “çox yaxşı” bildiyini deyib.

“Əgər o, bizim Rusiya üçün təhlükə olduğumuza inansaydı, orada döyüşmək üçün ordusunu Ukraynaya köçürməzdi” – Norveç Silahlı Qüvvələrinin komandanı deyib.

Öz növbəsində, NATO-nun hərbi komitəsinin sədri admiral Rob Bauer qeyd edib ki, Rusiyanın bu davranış modeli həm də qonşu Finlandiyanın NATO-ya daxil olmasından sonra Moskvanın özünü necə aparması ilə bağlıdır.

“Rusiya NATO-nun təhlükə olmadığını bilir, çünki biz onlara hücum etmək fikrində deyilik. Əks halda onlar Finlandiyanın qoşulmasına tamam başqa cür cavab verərdilər”- deyə Rob Bauer bildirib.