Parlament əksəriyyətinin üzvü Nino Tsilosani, aksiyada Aleko Elisaşvili ilə bağlı insidentin Mdinaradzeyə hücumla əlaqələndirilməsinin spekulyasiya olduğunu deyir.

Tsilosani, bu məsələləri bir-birinə bağlamağın mənəviyyatsızlıq olduğunu bildirib.

“Bu faktı onun yaraşmaz və cinayətkar davranışı ilə əlaqələndirmək yalnız spekulyasiyadır. Mamuka Mdinaradze açıq şəkildə dedi ki, bu yaraşmaz hərəkətə, Aleko Elisaşvilinin ona hücumuna heç bir cavabı olmayacaq. Bu, nə etik, nə də siyasi cəhətdən əsaslandırıla bilməz. Bu iki məsələni bir-birinə bağlamaq mənəviyyatsızlıqdır. Təəssüf ki, bu mövzulardan şikayət edən eyni insanlar başqa halda zorakılığı təşviq edirlər ki, bu da bəzən aksiyalarda inkişaf edən belə nəzarətsiz proseslərlə nəticələnir”- Nino Tsilosani deyib.

“Vətəndaşlar” partiyasının lideri Aleko Elisaşvili, dünən Hökumət Administrasiyası yaxınlığında keçirilən aksiyada hüquq-mühafizə orqanlarının əməkdaşları tərəfindən döyüldüyünü bildirib. Bununla yanaşı, Xüsusi İstintaq Xidmətində xalq müdafiəçisinin müraciəti əsasında Aleko Elisaşvili ilə bağlı insidentin öyrənilməsinə başladıqlarını və Elisaşvilinin dindirilmək üçün quruma çağırıldığını deyirlər.