Ermənistan Respublikasının baş naziri Nikol Paşinyan Rusiya Federasiyasına iki günlük rəsmi səfər edib. Bu barədə “Armenpress” nəşri məlumat yayır.

Mətbuatın məlumatına görə, Paşinyanı hava limanında Rusiya Federasiyası xarici işlər nazirinin müavini Andrey Rudenko qarşılayıb.

Erməni mətbuatının məlumatına görə, səfər çərçivəsində Paşinyan Rusiya prezidenti Vladimir Putinlə görüşəcək.

Məlum olduğu üzrə, ölkə liderləri Ermənistan-Rusiya strateji müttəfiqliyinin gələcək inkişaf məsələlərini müzakirə edəcəklər. Danışıqlarda Ermənistan, Rusiya və Azərbaycan liderlərinin 2020-ci il noyabrın 9-da, eləcə də 2021-ci ilin 11 yanvar və 20 noyabr tarixli üçtərəfli bəyanatlarının icrası müzakirə olunacaq.

Aprelin 20-də Nikol Paşinyan Rusiyanın baş naziri Mixail Mişustin, Dövlət Məşvərətinin spikeri Vyaçeslav Volodin və Rusiya Federasiya Şurasının sədri Valentina Matvienko ilə də həmçinin görüşəcək.