Müdafiə Nazirliyi, Gürcüstan Müdafiə Qüvvələrinin “Müdafiəçi 2023”də iştirakı ilə bağlı bəyanat yayır.

Bəyanatda qeyd olunduğu kimi, Müdafiə Qüvvələri döyüş imkanlarının artırılması məqsədilə daim beynəlxalq təlimlərdə iştirak edir və onlara ev sahibliyi edir.

“Gürcüstanın Müdafiə Nazirliyi, ABŞ-ın Avropa Komandanlığının təşkil etdiyi “Müdafiəçi 2023” (Defender 2023) çoxmillətli təlimində Gürcüstan Müdafiə Qüvvələrinin iştirakı ilə bağlı ayrı-ayrı informasiya vasitələri və siyasi gündəmlə hərəkət edən ayrı-ayrı şəxslər tərəfindən yayılan məlumatlara cavab verir. Təəssüf ki, qeyd olunan qərəzli məlumatlar Müdafiə Nazirliyinə qarşı növbəti təxribatı əks etdirir. İctimaiyyətə izah edirik ki, Müdafiə Qoşunları daim döyüş qabiliyyətini artırmaq üçün beynəlxalq təlimlərdə iştirak edir və onlara ev sahibliyi edir. Onların arasında hər il Gürcüstan və ABŞ-ın “Layiqli tərəfdaş” və “Güclü Ruh” kimi birgə genişmiqyaslı, çoxmillətli təlimlərinə ev sahibliyi edir. 2022-ci ildən “Güclü Ruh 2023” təliminin uğurla həyata keçirilməsi üçün artıq müvafiq planlaşdırma fəaliyyətlərinə başlanılıb. Bundan əlavə, Müdafiə Nazirliyi digər NATO üzvü və tərəfdaş ölkələrlə birlikdə bu il Türkiyədə (WINTER23), Almaniyada (DYNAMIC FRONT  23), Slovakiyada (SLOVAK SHIELD 23) və Hollandiyada (SSTEADFAST COBALT 23) dörd beynəlxalq təlimdə iştirak edib. Həmçinin ilin sonuna qədər Türkiyədə (EURASIAN PEACE 23; ANATOLIA; ERCYIES), Estoniyada (SPRING STORM 23), Polşada (CWIX 23), Bolqarıstanda (IMMİATE RESPONSE 23), Rumıniyada (SABER GUARDIAN 23), İngiltərə (SEA BREZZE 23) , Almaniyada (SABER JUNCTION 23; COMBINED RESOLVE 19), Azərbaycanda (CAUCASIAN EAGLE 23; ETERNITY 23), İtaliyada (SJEx/STEADFAST JACKAL) və Gürcüstanda (MAPLE ARCH 23), təlimlərin keçirilməsi planlaşdırılır, bu təlimlərdə Gürcüstan hərbçiləri də iştirak edəcəklər.

Gürcüstanın “Müdafiəçi 2023” təlimində birbaşa iştirakına gəlincə, xatırlatmaq istərdik ki, Müdafiə Qüvvələrinin məqsəd və vəzifələrindən irəli gələrək, bizim əsas strateji tərəfdaşımızla fəal ünsiyyət və onların tövsiyəsi əsasında qərar verildi ki, NATO-ya üzv və tərəfdaş ölkələrlə qarşılıqlı fəaliyyətin artırılması, təcrübə mübadiləsi və peşəkar bacarıqların artırılması, öyüş hazırlığının yüksəldilməsi də daxil olmaqla, yuxarıda qeyd olunan vəzifələri daha çox nəzərə alan bu cür beynəlxalq və yerli təlimlərə daha çox səy və vəsait sərf edilib”, – deyə məlumatda bildirilir.