Gürcüstan çempionatının ilin yekun tədbiri dekabrın 4-də, saat 16:00-da keçiriləcək və ona Sheraton Grand Metekhi Palace oteli ev sahibliyi edəcək.

İndiyədək Gürcüstan Futbol Federasiyası qala-mükafatlandırmasını ilin son günlərində keçirərək, burada ilin ən yaxşı futbolçusu və Milli Futbol Liqasının favoritlərini birlikdə müəyyənləşdirirdi.

GFF-dən verilən məlumata görə, bundan sonra Milli Futbol Liqasının mükafatlandırılması fərqli formatda keçiriləcək və tədbirdə yalnız Milli Liqanın oyunçuları mükafat alacaq.

2023-cü ilin favoritlərini təyin etmək üçün hər on liqa komandasının baş məşqçiləri və on bir futbolçu Gürcüstan Futbol Federasiyası və Milli Liqanın sorğusunda iştirak edib.

İdman Jurnalistləri Assosiasiyasının təşkilatçılığı ilə keçirilən sorğuya idman mediasının nümayəndələri cəlb olunub. Milli Liqanın ən yaxşı oyunçusunun müəyyənləşdirilməsi üçün keçirilən sorğuda bu il ilk dəfə olaraq ekspertlərlə birgə azarkeşlər də iştirak ediblər.