Mikheil Kavelashvili sosial şəbəkədə paylaşımında bildirib ki, 1917-ci il martın 25-də Gürcüstan Pravoslav Kilsəsinin avtokefaliyasının bərpası təkcə praktik deyil, həm də böyük simvolik əhəmiyyətə malik olub.

Onun sözlərinə görə, bu gün Gürcüstan kilsəsi müstəqilliyini bərpa edib, bu isə xalqla ruhani təbəqəni yenidən birləşdirib.

“Bu gün ölkəmizin və xalqımızın tarixində xüsusi gündür. Bu gün Gürcüstan Apostol Pravoslav Kilsəsinin avtokefaliyasının bərpası günüdür.

Kilsənin avtokefaliyasının bərpası xalqımızın həyatında fundamental əhəmiyyətə malik hadisədir və təəssüf ki, bu mühüm tarixi günü mənəvi atamız, bütün Gürcüstanın katolikos-patriarxı Ilia II olmadan qarşılayırıq.

1917-ci il martın 25-də avtokefaliyanın bərpası ilə Gürcüstan kilsəsi müstəqilliyini geri qazandı ki, bu da xalqla ruhani təbəqəni yenidən birləşdirdi. Bu tarixi hadisə gürcü xalqının öz inancına, ənənələrinə və mənəvi dəyərlərinə sadiqliyini bir daha təsdiqlədi.

Sizə sülh, birlik və mənəvi möhkəmlik arzulayıram, xüsusilə də bu çətin günlərdə. Qoy Tanrı ölkəmizi və kilsəmizi gücləndirsin ki, biz gələcəkdə də vətənimizə və ənənələrimizə layiqincə xidmət edək”, – deyə paylaşımda qeyd olunub.