Ticarət mərkəzləri(mollar)  və bazarlar istehlakçı hərəkətliliyinin ən böyük istehsalçısıdır(qeneratorudur), müvafiq olaraq, risklər yüksəkdir və iqtisadi açılımın  bu mərhələsində  onların işə salınması baş tutmur-bu barədə  biznes ombudsman,Mixeil Dauşvili  mol və bazarların nümayəndələri ilə görüşdən sonra bildirib.Buna dair məlumatı Biznes Ombudsman aparatı yayır.

Onların verdiyi məlumata görə, biznes ombudsman,Mixeil Dauşvili və Əmək Şəraitinin Təftişi İdarəsinin rəhbəri, Beka Peradze ticarət mərkəzlərinin (molların) və bazarların nümayəndələri ilə görüşüblər və  obyektlərin açılması ilə əlaqəli koronavirusun yayılmasına dair profilaktik tənzimləmələrin  iş versiyasını  müzakirə ediblər.

Rekomendasiyalar mol (ticarət mərkəzləri) və  bazar məkanlarında koronavirusun yayılmasının qarşısının alınması məqsədini daşıyır  və onların həyata keçirilməsi məcburidir.

Görüşdə  əmək müfəttişləri qrupunun hər bir obyekti  açılışdan əvvəl yoxlayacağı  və zərurət yarandıqda əlavə tövsiyyələr verəcəyi barədə razılıq əldə olunub.

Gürcüstan hökumətinin məhdudiyyətlərin   qaldırılması və iqtisadiyyatın  işə salınması planına əsasən, ticarət mərkəzlərinin(molların)  açılması dördüncü, qapalı tipli bazarların / bazarların açılması isə beşinci mərhələdə planlaşdırılır.

Hazırladı-Sevinc Mustafayeva