Türkiyənin Daxili İşlər Nazirliyi Ankarada baş verən partlayışı törədənlərin kimliyini müəyyən edib. Məlumatı yerli media yayıb.

Türkiyə Daxili İşlər Nazirliyinin məlumatına görə, Parlament və Daxili İşlər Nazirliyinin binaları yaxınlığında baş verən terror partlayışını “Kürdüstan İşçi Partiyası”nın üzvləri olan Özkan Şahin və Həsən Oğuz törədib.

Medianın yazdığı kimi, hücum edənlərin kimliyini müəyyən etmək üçün DNT analizi lazım idi, çünki onlardan biri binanın girişində özünü partladıb.

“Təhlükəsizlik bölmələrimizin başlatdığı araşdırma davam edir. Terrorla mübarizəmiz sonuncu terrorçu zərərsizləşdirilənə qədər davam edəcək”, – Türkiyə Daxili İşlər Nazirliyinin bəyanatında deyilir.

Oktyabrın 1-də Ankarada Türkiyə parlamenti və Daxili İşlər Nazirliyinin binası yaxınlığında partlayış baş verib.