Martın 3-də günün ikinci yarısından etibarən Gürcüstanda hava şəraiti pisləşəcək

18:09, 02.03.2022

Ətraf Mühit üzrə Milli Agentliyin məlumatına görə, martın 3-ü günün ikinci yarısından martın 6-dək Gürcüstanda soyuq və rütubətli hava kütlələrinin yayılacağı gözlənilir.

Sinoptiklər havanın temperaturunun xeyli aşağı düşəcəyini, yağıntıların bəzi yerlərdə güclü olacağını, dağlıq rayonlarda qar fırtınası, duman, dənizdə 4-5 bal fırtına olacağını proqnozlaşdırırlar. Vaxtaşırı güclü külək əsəcək.

“Gözlənilən güclü yağıntı Gürcüstanın qərbindəki çaylarda suyun səviyyəsini əhəmiyyətli dərəcədə artıra, dağlıq ərazilərdə uçqunların və sürüşmələrin yaranmasına səbəb ola bilər”, -deyə Ətraf Mühit üzrə Milli Agentlikdən bildirilib.

Müəllif - Sevinj Mustafaeva

İctimaiyyət