“Gürcü Arzusu” fraksiyasının sədri Mamuka Mdinaradze bildirir ki, özünüidarəetmə seçkiləri üçün Tbilisi meri vəzifəsinə Kaxa Kaladzenin namizədliyinin alternativi yoxdur.

Onun sözlərinə görə, Kaxa Kaladze dörd il ərzində çox uğurlu mer olub.

“Gürcü Arzusu üçün müxalifətin özünüidarəetmə seçkiləri üçün birləşməsi  və onların namizədinin ilk turdaca  məğlub edilməsi zəmanəti  ideal ola bilər. Kaxa Kaladze alternativi olmayan  namizəddir. Sosial şəbəkələrə baxın, hətta müxalifət tərəfdarları da bu barədə danışırlar. Müxalifət bir neçə və ya bir namizəd irəli sürərsə belə, Kaxa Kaladze yenə də alternativi olmayan namizəddir. Onun alternativinin olmaması uğurlu həyatında deyil, dörd il ərzində gördüyü işlərdən qaynaqlanır – Tbilisi hər zamankından daha yaşıl bir şəhər oldu. Kaxanın töhfəsinin  olduğu  bir çox məsələni sadalaya bilərik ”-deyə  Mamuka Mdinaradze bildirib.