Gürcüstanın maliyyə naziri Laşa Xutsişvili bildirib ki, Gürcüstan iqtisadiyyatı pandemiyadan sonrakı dövrdə iki il ərzində ikirəqəmli iqtisadi artıma nail olub, nəticədə də iqtisadiyyat 2023-cü ildə pandemiyadan əvvəlki tendensiyaya qayıdır və yenə də əhəmiyyətli dərəcədə böyüməyə davam edir. Xutsişvili bunu parlamentdə ölkənin əsas iqtisadi göstəriciləri barədə danışarkən deyib.

Onun sözlərinə görə, qeyd etmək lazımdır ki, kiçik geriləmədən sonra 2022-ci ildən etibarən iqtisadi artımın əsas amillərindən biri yenə də investisiya komponentidir.

“Bu il biz iqtisadi artımı 6,5 faiz gözləyirik, 2024-cü il üçün proqnoz isə 5,2 faizdir. 2023-cü ilin sonunda adambaşına düşən ÜDM 8 min dolları keçəcək, 2027-ci ildə isə 5 faizlik iqtisadi artım şəraitində bu, demək olar ki, 11 min dollara çatacaq. Beynəlxalq Valyuta Fondunun proqnozlarına görə, 2027-ci ildə alıcılıq qabiliyyəti nəzərə alınmaqla adambaşına düşən ÜDM-in həcmi 30 min dollara çatacaq”-deyə Laşa Xutsişvili bildirib.