Müharibə uzun müddət davam edə bilər, çünki ruslar Ukrayna ilə müqavilə imzalamayacaqlar və xaotik bombardmanı davam etdirəcəklər -bu barədə Ukrayna Müdafiə Nazirliyinin baş kəşfiyyat idarəsinin rəhbəri Kirill Budanov açıqlayıb.

Budanovun sözlərinə görə, Rusiya uzun müddət Ukrayna və Qərblə danışıqlar aparmayacaq.

Ukrayna kəşfiyyat idarəsinin rəhbəri onu da qeyd edib ki, tarix müharibələrin hüquqi cəhətdən bitmədiyi nümunələr bilir, məsələn, Kuril adalarının statusu ilə bağlı sülh müqaviləsi imzalanmadığı üçün 1945-ci ildən rəsmən müharibə vəziyyətində olan Yaponiya və Rusiya.

“Bu ərazi problemi 70 ildən çoxdur ki, mövcuddur, bu səbəbdən bu ssenari burada da çox ehtimal olunur, çünki Rusiya Federasiyasının Ukraynaya münasibətdə təkcə Krımla məhdudlaşmayan əhəmiyyətli ərazi iştahı var. Təbii ki, heç kim bu iştahı təmin etmək niyətində deyil” – Kirill Budanov açıqlayıb.