Mixeil Saakaşvili həm özü, həm həyat tərzi ilə çox destruktiv bir insandır və təəssüf ki onun bu mənfiliyi ölkəmizdə illər ərzində əks olunurdu, – bu bəyanatı Tbilisinin meri Kaxa Kaladze Avroparlamentarlar və İan Kelli haqqında Saakaşvilinin verdiyi bəyanatına cavab olaraq verdi.

Kaladzenin dediyinə görə, bu ilk hal deyil və müxalifət liderlərindən tez-tez təhqiramiz bəyanatlar edilir.

“Saakaşvili ölkədə qanlı rejim yaratdı. İndi də əlindən gələni edir ki, müxalifət və iqtidar arasında danışıqlar baş tutmasın. Avroparlamentarlara Rusiyanın agentləri deyir. O qeyri ciddi bir şəxsdir”, – dedi Kaxa Kaladze.

Gürcüstanın sabiq prezidenti Mixeil Saakaşvili dünən Avroparlamentarlar və İan Kelli haqqında verilən suallara cavab verərkən bəyan etdi ki, “Saakaşvili hakimiyyətdən və gücdən uzaq durmalıdır” deyənlər mənəvi idiotlardır.