Kaia Kalas - Rusiya Ukraynadan daha çox dözə biləcəyini düşünür, dəstəyimizin Ukraynanın Rusiyadan daha çox dözməsinə kömək edəcəyini düşünmək üçün əsasım var
Rusiya-Ukrayna müharibəsi ilə bağlı vəziyyət ümidsiz deyil, lakin müharibə hələ uzun müddət davam edəcək-bu barədə Estoniyanın Baş naziri Kaia Kalas açıqlayıb.
“Rusiya ilə Ukrayna arasında müharibə davam edir. Bu, ümidsiz vəziyyət deyil, lakin buna uzun vaxt lazımdır” -deyə Kalas bildirib.
O bildirib ki, belə müharibədə üç əsas element var: insanlar, resurslar və mənəviyyat.
“Rusiya Ukraynadan daha çox dözə biləcəyini düşünür, dəstəyimizin Ukraynanın Rusiyadan daha çox dözməsinə kömək edəcəyini düşünmək üçün əsasım var”- Kalas bildirib.
Resurslardan danışarkən Estoniya lideri qeyd edib ki, Avropanın ümumi daxili məhsulu Rusiyanın ÜDM-dən 7 dəfə çoxdur. O, Rusiya büdcəsinə sanksiyaların da təsir etdiyini qeyd edib.
“Onlar büdcələrinin üçdə birini itirdilər və kənardan heç nə almırlar. Onların böyük problemləri var” – Kalas bildirib.