Gürcüstanın müdafiə naziri Budapeştə səfərini davam etdirir. Cuanşer Burchuladze yerli müdafiə sənayesi xəbərləri haqqında macar həmkarından məlumat alıb və Macarıstanın hərbi imkanları barədə məlumatlandırılıb.

Daha sonra Gürcüstanın müdafiə naziri Macarıstanın “Rotors and Cams” pilotsuz uçuş aparatları şirkətinə baş çəkib və şirkətin yerli bazar üçün yaratdığı sənaye və hərbi istehsalın geniş çeşidi ilə tanış olub. Xüsusilə Gürcüstan nümayəndə heyəti üçün dron texnologiyasının statik nümayişi təşkil olunub.

Macarıstanda Gürcüstanın müdafiə nazirini həmkarı Kristof Salay-Bobrovnitski qəbul edib. Macarıstan Müdafiə Nazirliyində keçirilən rəsmi qarşılanma mərasimindən sonra tərəflər ikitərəfli görüşdə müdafiə sahəsində əməkdaşlıq məsələlərini və gələcək əlaqələrin perspektivlərini müzakirə ediblər.

Macarıstanın müdafiə nazirinin qeyd etdiyi kimi, Macarıstan Gürcüstanın Avro-Atlantik inteqrasiyasını dəstəkləyir və gələn il Macarıstan Avropa İttifaqı Şurasına sədrlik edəndə Gürcüstanı dəstəkləmək üçün daha böyük imkanlar əldə edəcək.

Bu barədə məlumatı Gürcüstan Müdafiə Nazirliyinin mətbuat xidməti yayır.