İspaniyada Sosialist Partiyanın mərkəzi binası yaxınlığında keçirilən etiraz aksiyası polislə toqquşmaya çevrilib. Nümayişçilər polisə daş və fişəng atıblar. Hüquq-mühafizə orqanlarının əməkdaşları aksiya iştirakçılarına qarşı gözyaşardıcı qazdan istifadə ediblər.

İspaniyanın sosialist baş naziri vəzifəsini icra edən Pedro Sançesin yeni müddətə dəstək qazanmasından sonra İspaniyada etirazlar artıq üçüncü gündür.

Bask Milli Partiyasının (PNV) və Kanar koalisiyasının, Kataloniya separatçı partiyası ilə birlikdə təsdiqlənmiş dəstəyi, yaxın günlərdə keçiriləcək səsvermədə Sançesə 350 üzvdən ibarət aşağı palatada mütləq çoxluq verəcək. Razılaşmaya 2017-ci ildə Kataloniyanı İspaniyadan ayırmağa cəhddə ittiham olunanlara amnistiya verilməsi haqqında mübahisəli qanunun qəbulu daxildir.

Sançesin siyasi rəqibləri hökumət başçısının qanunun aliliyini öz siyasi mənfəətlərinə tabe etdiyini iddia edirlər.