İnanılmaz emosiyalardır, oğlanların yanında idik, onları təbrik etdik, həqiqətən onlar bizə möcüzə hədiyyə etdilər və hamı təşəkkürdən daha çox şeyə layiqdir -bu haqda Gürcüstanın Baş naziri İrakli Kobaxidze Almaniyada, Gürcüstan-Portuqaliya oyunundan sonra jurnalistlərə deyib.

Hökumət başçısı, gürcülərin futbol istedadına malik olmasının bir daha təsdiqləndiyini bildirib.

“İnanılmaz emosiyalardır, oğlanların yanında idik, onları təbrik etdik, həqiqətən onlar bizə möcüzə hədiyyə etdilər və hamı təşəkkürdən daha çox şeyə layiqdir. Möcüzədir, sona qədər mübarizə apardılar və mübarizədən başqa biz gürcülərin futbol istedadına malik olmağımız bir daha təsdiqləndi, onlara təşəkkürlər. Bu, möcüzədir, ilk Avropa çempionatıdır və ilk Avropa çempionatında qrupdan çıxmaq möcüzədir. Bir daha oğlanlara minnətdaram, hər kəsə təşəkkürlər”- deyə İrakli Kobaxidze açıqlayıb.

Baş nazirin qeyd etdiyi kimi, Portuqaliya ilə qələbənin xüsusi qiyməti var.

“Portuqaliya turnir cədvəlinin onlara rahatlamaq üçün imkan verməsinə baxmayaraq, sona qədər mübarizə apardı, sona qədər döyüşdülər. Belə komandanı məğlub etdik, bu, daha çox təqdirəlayiqdir. İspaniya ilə oyuna da qalib gəlmək üçün çıxmalıyıq. Əlbəttə, Avropa çempionatında bütün oyunlar çətindir, amma İspaniyaya qarşı oyunda da əminəm ki, oğlanlar qələbə üçün meydana çıxacaqlar və geridə qalanını görəcəyik, top yuvarlaqdır və hər şey mümkündür”- baş nazir açıqlayıb.