Bolnisidə mayor Qela Chedia adına Xüsusi Təyinatlı Təlim Mərkəzinin Paraşütçü Hazırlıq Məktəbində ilkin paraşüt hazırlığı proqramı nümayiş elementləri ilə başa çatıb.

Gürcüstan Müdafiə Nazirliyi tərəfindən yayılan məlumata əsasən, təlim proqramı Müdafiə Qüvvələrinin Ordu Kəşfiyyat Məktəbinin iyirmilik komandirinin məzunları tərəfindən tamamlanıb. Paraşütçü hazırlığı kursu nəzəri və praktiki mərhələdən ibarət üç həftəlik təlimi əhatə edib. Təlimçilər yerüstü hazırlığı, uçan aparatda hərəkətləri, xüsusi hallarda paraşütlə tullanmanı və havada hərəkətləri öyrəniblər. İştirakçılar nəzəri və praktiki testlərdən keçiblər, onlar paraşütlə, paraşütlə və yüklə, sonda isə- paraşütlə, yüklə və silahla tullanmalar həyata keçiriblər.

Xüsusi əməliyyat qüvvələrinin komandanı, polkovnik Teimuraz Ğlateişvili Ordu Kəşfiyyat Məktəbinin iyirmilik komandirinin məzunlarını proqramı başa vurmaları münasibətilə təbrik edib və sertifikatlar təqdim edib.

Mayor Qela Chedia adına Xüsusi Təyinatlı Təlim Mərkəzinin Paraşütçü Hazırlığı Məktəbində şəxsi heyət üçün altı növ paraşütlə tullanma kursları keçirilir. Məktəb NATO-ya üzv ölkələrin analoji qurumları, o cümlədən ABŞ, Türkiyə, Polşa, Rumıniya və Estoniyanın paraşüt hazırlığı məktəbləri ilə daim əməkdaşlıq edir.