Gürcüstanın xarici işlər naziri İlia Darçiaşvili Avropa çempionatında qazanılan uğura görə Gürcüstanın milli komandasına təşəkkür edir.

İlia Darçiaşvilinin sosial şəbəkədə yazdığı kimi, Gürcüstanın futbol tarixində daha bir mühüm səhifə açıldı.

“Daha bir xoşbəxt gün açıldı, Gürcüstanın futbol tarixində daha bir mühüm səhifə açıldı! Gürcüstanın milli komandası Portuqaliyanı məğlub etdi və 1/8 finala yüksəldi!

Futbolçularımıza, məşqçilərimizə, Gürcüstanın Futbol Federasiyasına və bu qələbəni reallığa çevirən bütün insanlara təşəkkürlər! Bu, sadəcə qələbə deyil, bu, sizin fenomenal əməyinizin, müqayisə olunmaz bacarığınızın və fədakarlığınızın etirafıdır.

Gürcüstanın futbol yığması bu gün dəfələrlə nəfəsimizi kəsdi, milli qürur və sevinc hissini dəfələrlə hiss etdirdilər.

Bu tarixi nailiyyət münasibətilə sizi təbrik edirik! İrəlidə daha çox mübarizə və daha çox qələbələr var!” – İlia Darçiaşvili yazır.

Gürcüstanın milli komandası Avropa çempionatının qrup mərhələsinin son oyununda Portuqaliyaya 2:0 hesabı ilə qalib gəldi və Avropa çempionatında 1/8 finala yüksəldi.