Azərbaycan Prezidenti İlham Əliyev Qarabağ ermənilərinin reinteqrasiyası prosesinin uğurlu olacağına əmin olduğunu bildirir. Bu barədə İlham Əliyev Azərbaycan və Türkiyə liderləri arasında Naxçıvan Muxtar Respublikasında keçirilən danışıqlardan sonra açıqlayıb.

“Bir neçə gün əvvəl Yevlax şəhərində Qarabağ ermənilərinin və Azərbaycanın dövlət strukturlarının nümayəndələrinin görüşü keçirilib. Bu gün Xankəndində ikinci iclas keçirilir. Mən hələ nəticələr barədə məlumat almamışam, lakin əminəm ki, Qarabağdakı erməni əhalisinin Azərbaycan cəmiyyətinə inteqrasiyası uğurla davam etdiriləcək”-deyə Əliyev açıqlayıb.

Rəcəb Tayyib Ərdoğan öz növbəsində qeyd edib ki, Qarabağda baş verən proseslər nəticəsində regionda tam normallaşma ehtimalı yaranıb.

“Biz Ermənistanın uzadılmış sülh əlinə cavab verəcəyini və səmimi addımlar atacağını gözləyirik”, – deyə Ərdoğan bildirib.

Danışıqlar zamanı Türkiyə Prezidenti Iğdır-Naxçıvan qaz kəməri layihəsinə də diqqət çəkib.