Dünyanın ən böyük beynəlxalq turizm sərgilərindən olan IFTM Top Resa gündəlik jurnalı Gürcüstanın turizm potensialı haqqında geniş məqalə dərc edir. Məlumatı Milli Turizm Administrasiyası yayır.

Məqalədə Bakurianinin 2023-cü ildə sərbəst xizək və snoubord üzrə dünya çempionatına ev sahibliyi edəcəyi bildirilir. Bundan əlavə, Gürcüstanın dağ kurortları təsvir edilib.

“Kanatla zirvəyə qalxmaqdan gözəl bir şey yoxdur. Burada soyuq, təmiz hava ilə nəfəs alacaq, qarlı zirvələri görəcək və heyrətamiz dağlardan xizəklə aşağı enəcəyinizi anlayacaqsınız. Gürcüstanda xizək sürmək heyrətamiz dərəcədə təsir edici və müasirdir. Davam edən yenilənmə və investisiyalar nəticəsində Gürcüstanın ənənəvi Qudauri və Bakuriani kurortları beynəlxalq standartlara cavab verir. Tamamilə yeni, Qoderdzi və Mestia kurortları isə artıq dünyanın ən qabaqcıl kurortlarından biri hesab olunur. Gürcüstanda ildən-ilə yeni xizək yolları açılır. Gürcüstan dünyada konkisürmə həvəskarlarına heliski xidməti təklif edən azsaylı ölkələrdən biridir”- deyə IFTM daily-nin məqaləsində deyilir.

Milli Turizm Administrasiyası tərəfindən verilən məlumatda IFTM Top Resa-nın ən böyük turizm sərgilərindən biri olduğu deyilir. Bu il turizm sərgisində 34 min turizm nümayəndəsi iştirak edib. Sərgidə 200-ə yaxın ölkə və turizm məkanı, eləcə də 1700 brend təqdim olunub.