Qida Təhlükəsizliyi Milli Agentliyi Ozurgetidəki heyvan sığınacağının klinikasının fəaliyyətini dayandırıb.

Agentlik səbəb kimi aşkarlanan uyğunsuzluqları göstərib.

“Qida Təhlükəsizliyi Milli Agentliyinə daxil olan müraciət əsasında, agentlik fərdi sahibkar L.Ç.-nin Ozurgeti heyvan sığınacağında planlaşdırılmamış yoxlama həyata keçirdi.

İnspeksiya zamanı müxtəlif pozuntular aşkar edilib:

Yoxlama zamanı istifadə müddəti bitmiş preparatlar, o cümlədən psixotrop vasitələr və yararsız quduzluq peyvəndləri götürülüb. Sığınacaq ərazisində naməlum səbəbdən ölmüş heyvanlar aşkarlanıb. Müəyyən olunmuş qaydalara uyğun olaraq cərrahi və digər baytarlıq xidmətləri göstərilmirdi. Heyvanlara qarşı humanist yanaşmanın bütün mövcud prinsipləri pozulub, xəstə və sağlam heyvanlar bir-birindən ayrılmırdı, heyvanların müalicəsi barədə qeydlər isə natamam aparılırdı.

Volyerlərdə mövcud heyvanların izlənməsi ilə bağlı sənədlər təqdim edilməyib. Gigiyena normaları pozulurdu, o cümlədən müəyyən olunmuş tələblərə uyğun alətlərin və avadanlıqların təmizlənməsi, dezinfeksiyası və sterilizasiyası həyata keçirilmirirdi.

Sığınacağın klinikasının fəaliyyəti – burada heyvanların sterilizasiyası/kastrasiyası və digər baytarlıq prosedurları aparılırdı – pozuntular aradan qaldırılana qədər dayandırılıb. Preparatlar möhürlənib və qaydalara uyğun olaraq məhv ediləcək. Laborator müayinə üçün heyvan yemindən nümunələr götürülüb.

Qida Təhlükəsizliyi Milli Agentliyi ölkə üzrə qeydiyyata alınmış heyvan sığınacaqlarının baytarlıq nəzarətini daimi rejimdə həyata keçirir. Cari ildə bütün sığınacaqlar planlı və planlaşdırılmamış qaydada yoxlanılıb, o cümlədən sahibsiz/mikrolokal heyvanların populyasiyasının idarə olunması üzrə pilot proqramda iştirak edən sığınacaqlar da”, – deyə Agentliyin məlumatında bildirilir.