Gürcüstanın Xarici İşlər Nazirliyi ABŞ-da tornado nəticəsində vəfat edənlərin ailələrinə və yaxınlarına başsağlığı verir

11:41, 13.12.2021

Gürcüstanın Xarici İşlər Nazirliyi ABŞ-da tornado nəticəsində vəfat edənlərin ailələrinə və yaxınlarına başsağlığı verir.
Başsağlığı mətnində də qeyd olunduğu kimi, Gürcüstan Amerika Birləşmiş Ştatlarına həmrəylik ifadə edir.

“ABŞ-ın Orta Qərb və Cənub ştatlarında dağıdıcı tornado ilə bağlı xəbərlər bizi dərindən kədərləndirdi. Düşüncələrimiz qurbanların ailələri, dostları və yaxınları ilədir. Zərərçəkənlərin tezliklə sağalmasını arzulayırıq. Gürcüstan ABŞ-a həmrəylik ifadə edir”, – deyə bəyanatda qeyd olunub.

Son məlumatlara görə, ABŞ-ın mərkəzi ştatlarında tornado nəticəsində azı 100 nəfər həlak olub.

Müəllif - Sevinj Mustafaeva

İctimaiyyət