Gürcüstanın Birinci Kanalının abxaz və osetin dilli veb-səhifələrinin redaktorları "Saquramo" ədəbi premiya laureatları oldular
15:14, 13.09.2019
İlia Çavçavadze adına Saquramo memorial ev-muzeyində “Saquramo” ədəbi premiyasının laureatları adlandırıldılar.
Laureatlar arasında Gürcüstanın Birinci Kanalının abxaz və osetin dilli veb-səhifələrinin redaktorları Naira Bepieva və İrma Osia da var.
İrma Osia və Naira Bepieva gürcü şairi Davit Mağradzenin “Cakomo Ponti” poemasını abxaz və osetin dillərinə tərcümə ediblər.
Tərcümələrin təqdimatları 2019-cu ilin may ayında keçirildi.
“Cakomo Ponti” poemasını Davit Mağradze 2009-cu ildə yazıb. Əsər 10 dilə tərcümə edilib.
“Saquramo” ədəbi premiya laureatlarının mükafatlandırılma mərasimi noyabrın 8-də, İlia Çavçavadzenin ad günündə keçiriləcək.
