Rumıniyanın Pitesti şəhərində 16 yaşadək yeniyetmələrdən ibarət Gürcüstanın basketbol komandası B divizionu üzrə Avropa çempionatını qələbə ilə açıb. Nika Tsintsadze və Levan Tkeşelaşvilinin baş məşqçisi olduğu komanda qrup mərhələsinin ilk oyununda Bosniya və Herseqovinanı 90:61 hesabı ilə məğlub edib.

Gürcü basketbolçuları görüş ərzində tam üstünlüyə malik olub və bütün hissələrdə qalib gəliblər (25:14, 24:17, 17:16, 24:14).

22 xal və 6 ribaundla Gürcüstan yığmasının heyətində Avtandil Baxtadze ən yaxşısı olub. Qələbəyə Q. Tsaqareişvili mühüm töhfə verib, o, 15 xal, 4 ribaund və 3 məhsuldar ötürmə ilə yadda qalıb. Nikoloz Kobaidze və Q.Nikolaev 10-10 xalla komandasına kömək ediblər.

Qrupda Bosniya və Gürcüstanla yanaşı, Rumıniya, İslandiya və Avstriyanın U-16 yığmaları da yer alıb. Gürcüstan millisi bu gün, saat 20:00-da növbəti görüşünü ev sahibi Rumıniya ilə keçirəcək. Qələbə qazanacağı təqdirdə Tsintsadze və Tkeşelaşvilinin komandası növbəti mərhələyə doğru böyük addım atacaq.