“Minilliyin çağırışı” korporasiyasının ikinci kompaktı çərçivəsində, təhsil infrastrukturu layihələrinin həyata keçirilməsi üçün Gürcüstanda, qrant şəklində, 68 milyon ABŞ dollarına qədər investisiya qoyulacaq.

Bu barədə məlumatı “Minilliyin çağırışı” fondu – Gürcüstan yayır.

2018-ci ildə, fond Gürcüstan regionlarında ümumi məktəblərin reabilitasiyasına davam edir. Tbilisidə, San-Dieqo Dövlət Universitetinin və İlia adına Dövlət Universitetinin yeni 4,750 kvadrat metrlik korpusunun daxili təmir işlərinin həyata keçirilməsi planlaşdırır.

Fevralın 7-də keçirilən konfransda cari və planlaşdırılan infrastruktur layihələri haqqında detallı məlumat veriləcək.

2015 – 2017-ci illərdə Minilliyin çağırışı fondu Gürcüstanın regionlarında 30 ümumi məktəbin tam reabilitasiyasını həyata keçirdi və Kaxetidə yenə 28 məktəbin reabilitasiyasına başladı.

2018-ci ildə, Qərbi Gürcüstanda 33 ümumi məktəbin tam reabilitasiyası həyata keçiriləcək.