Fövqəladə vəziyyət zamanı dövri texniki baxışdan keçməli olan avtomobil sahiblərinə texniki baxışdan keçmək  üçün  əlavə iki aylıq  vaxt verilib.

Quru Nəqliyyat Agentliyinin rəhbəri Mixeil Xmaladzenin sözlərinə görə, nəqliyyat vasitələrinin sahibləri cari ilin iyul ayının 21-dək  nəqliyyat vasitələrini texniki baxışdan keçirtməlidirlər.

“Texniki baxışdan  artıq bu gündən  keçməli olanlar,  nəqliyyat vasitələrini texniki baxışdan keçirtməlidirlər, əks halda 50 lari miqdarında  cərimələnəcəklər. Dövri texniki baxışdan fövqəladə vəziyyət müddətində keçməli olan  nəqliyyat vasitələri üçün əlavə 60 təqvim günü müəyyən olunacaq, yəni iyulun 21-dək onlar dövri texniki baxışdan  keçə biləcəklər. Məsələn, əgər  bu gün və ya önümüzdəki  günlərdə texniki baxışdan  keçməlidilərsə ,o zaman  bu insanlar dövri texniki baxışdan vaxtındaca  keçməlidirlər “-deyə  Mixeil Xmaladze bildirib.

Hazırladı-Sevinc Mustafayeva