“Football in Luxembourg” nəşri UEFA-nın AVRO-2024-ün seçmə mərhələsinin yarımfinalında Lüksemburq millisinin Gürcüstanla qarşılaşacağı oyunu şərh edib.

Lüksemburqdan gələn futbol xəbərlərinə diqqət yetirən nəşr Gürcüstan və Lüksemburq milliləri ilə yanaşı, Yunanıstan və Qazaxıstan millilərinin də oynayacağı pley-off mərhələsində qüvvələr balansını dəyərləndirib.

“Avro-2024-ün seçmə mərhələsində Gürcüstan millisi səkkiz oyunda iki qələbə qazanıb. Qazaxıstan tərkibinə görə ən zəifdir. Seçim dövrünə nəzər salsaq, ən pis nəticəni Gürcüstan göstərdi. Bizə qarşı olan öz futbol tariximizdir, amma xoşbəxtlikdən bu, həlledici amil deyil. Yunanıstan dördlükdə ən güclü komandaya sahibdir.

Lüksemburq seçmə mərhələnin 10 oyununda 17 xal toplayıb – hər oyuna orta hesabla 1,7 xal. Bu, bir neçə milli komandanın – Yunanıstan (hər oyuna görə 1,6), Uels (1,5), Polşa (1,4), Norveç (1,4), İsveç (1,3) və Gürcüstandan (1) daha yaxşı nəticədir”, – Football in Luxembourg yazır.

Pley-off mərhələsinin yarımfinal oyunları 2024-cü il martın 21-də keçiriləcək: Gürcüstan – Lüksemburq və Yunanıstan – Qazaxıstan, beş gündən sonra, martın 26-da bu iki cütün qaliblərinin finalı keçiriləcək. Ən güclü komanda 2024-cü il Avropa çempionatının final mərhələsində çıxış edəcək.