Cari ilin avqustun 12 -dən etibarən İordaniyanın Fly Jordan (Solitaire Air) aviaşirkəti Gürcüstan istiqamətində fəaliyyətini bərpa edəcək.

Gürcüstan Mülki Aviasiya Agentliyinə uçuşa dair təqdim olunan müraciətə əsasən, aviaşirkət Amman -Batumi-Amman hava xəttində çoxlu çarter uçuşları həyata keçirəcək.

Mülki Aviasiya Agentliyindən verilən məlumata görə, Amman və Batumi arasında uçuşlar avqustun 12-dən sentyabrın 30-dək həftədə bir tezliklə, hər cümə axşamı günü, Boeing 737 tipli təyyarə ilə həyata keçiriləcək.

Gürcüstan İqtisadiyyat və Davamlı İnkişaf Nazirliyinin Mülki Aviasiya Agentliyi cari ilin avqustun 9 -da Fly Jordan -a bu istiqamətdə hava nəqliyyatı üçün lazımi icazəni verib. İordaniya çarter aviaşirkəti 2017 -ci ildə Gürcüstan istiqamətində fəaliyyətə başladı.

Nəzərə alın ki, epidemioloji vəziyyətə görə dövlətlər tərəfindən sərhəd məhdudiyyətləri və sanitariya tələbləri vaxtaşırı olaraq  dəyişdirilir ki, bu da hava yollarının bu və ya digər istiqamətdə hava hərəkətinin başlaması, uzadılması və ya yenilənməsi ilə bağlı qərarlarında əks olunur. Vətəndaşlara müraciət edirik,  səyahət planlaşdırarkən ehtiyyatlı olsunlar, təyinat ölkəsi tərəfindən qoyulan sərhəd və sanitariya qaydalarını, aviaşirkətlərin mesajlarını, rəsmi mənbələrdə yerləşdirilən elanları və cədvəlləri diqqətlə oxusunlar.