Ermənistanın Baş naziri Nikol Paşinyan “Kollektiv Təhlükəsizlik Müqaviləsi Təşkilatı”nın görüşündə iştirak etməyəcək.

Erməni mediasının yazdığı üzrə, Belarus tərəfinin təşəbbüsü ilə Ermənistanın Baş naziri Nikol Paşinyan və Belarus Prezidenti Aleksandr Lukaşenko arasında telefon danışığı baş tutub.

Ermənistan hökumətinin mətbuat xidmətinin məlumatına əsasən, liderlər noyabrın 23-də Minskdə KTMT-nin Kollektiv Təhlükəsizlik Şurasının iclasının təşkili ilə bağlı məsələləri müzakirə ediblər. Paşinyan Belarus Prezidentinə görüşdə iştirak edə bilməyəcəyi barədə məlumat verib və “Kollektiv Təhlükəsizlik Müqaviləsi Təşkilatı”nın tərəfdaşlarının bu qərarı anlayışla qarşılayacağına ümid etdiyini bildirib.

Kremldə Ermənistanın Baş nazirinin qərarından təəssüf hissi keçirdiklərini, çünki belə görüşlərin fikir mübadiləsi üçün çox yaxşı fürsət olduğunu açıqlayıblar.