Gürcüstanın səhiyyə naziri Ekaterine Tikaradzenin sözlərinə görə, son iki il ərzində təcili yardım sistemi gücləndirilib.

Tikaradzenin nazirliyin fəaliyyəti haqqında hesabatı təqdim edərkən qeyd etdiyi kimi, 2020-ci ildən Tbilisi və regionların təcili tibbi yardım xidmətləri Səhiyyə Nazirliyinin tabeliyindəki vahid idarəyə keçib. Onun sözlərinə görə, 2019-2021-ci illərdə Təcili Tibbi Yardım Mərkəzinin avtoparkı 218 avtomobillə yenilənib. Ölkə miqyasında 333 təcili və referal yardım briqadası var. Mərkəz 35 tibbi motosiklet alıb.

Nazirin sözlərinə görə, 2020-2021-ci illərdə təcili tibbi yardım avtomobilləri müassir, yüksək texnologiyalı tibbi avadanlıqlarla təchiz edilib, 57 rayon mərkəzinin binası tikilib, beş inzibati mərkəzin tikintisi aparılır. Həmçinin, regional xidmətlər kimi, Tbilisinin rayon xidmətlərinin tikintisi-bərpası da nəzərdə tutulub.

Bununla yanaşı, nazirin sözlərinə görə, “Covid-19” qlobal çağırışı ilə tez və effektiv mübarizə aparmaq məqsədi ilə, 2020-ci ildən 2021-ci ilin sonuna kimi müxtəlif pul ödənişlərinə moratorium elan edilib.

“Əhaliyə dəstək planı çərçivəsində, pandemiya səbəbindən müvəqqəti olaraq fəaliyyətini dayandırmış muzdlu işçilərə və özünüməşğulluqdakı şəxslərə pul müavinətləri verilib”, -deyə Ekaterine Tikaradze bildirib.

Bundan başqa, nazirin sözlərinə görə, proqramın əhatə dairəsi genişlənib – uşaq yardımını 100 000 deyil, 120 min xalı ola ailələr alırlar.

2019-cu ilə olan vəziyyətə görə, yaşayış müavinəti alan ailələrin maksimum sayı 135,700 ailə ; 467 284 nəfər olub. 2021-ci ilin noyabr ayı da daxil olmaqla, yaşayış müavinəti alan ailələrin maksimum sayı 172 886 ailə ; 637 747 nəfər təşkil edir.