Donald Tusk hökumət dəyişiklikləri elan edib

20:01, 09.04.2024

Polşanın Baş naziri Donald Tusk yaz və ya yay aylarında baş verəcəyi gözlənilən hökumət dəyişikliklərini elan edib.

Tusk, bütün nazirlərin fəaliyyətini qiymətləndirəcəyini və bunun əsasında müvafiq qərar qəbul ediləcəyini bildirib.

“Hökumətin yenidən qurulması mütləq baş verəcək. Bu, yalnız nazirlərin qiymətləndirməsindən və ya onların siyasi qərarından asılı olacaq. Bəzi insanların Avropa Parlamentinə namizəd olmağı istəyəcəyinə dair əlamətlər var, ancaq bu tək-tük hal olacaq. Bu aylardan maksimum istifadə etməyənlərlə vidalaşacağıq”, – Polşanın Baş naziri bildirib.

Eyni zamanda, Tusk bu mövzuda koalisiya partiyalarının liderləri ilə danışmağı planlaşdırdığını bildirib.

Müəllif - Sevinj Mustafaeva

Dünya