Birləşmiş Krallığın vitse-baş naziri, ədliyyə naziri Dominik Raab bildirib ki, Britaniya birtərəfli qaydada Ukraynaya yönəlik NATO üzvlərinə şamil edilən eyni öhdəlikləri təkrar etməyəcək, lakin onun sözlərinə görə, Britaniya Ukraynaya əhəmiyyətli hərbi yardım göstərib və hələ də digər yardım növlərinin göstərilməsini nəzərdən keçirir. Bu barədə Raab BBC radiosuna danışıb.

Ukrayna tərəfindən tələb edilən təhlükəsizlik təminatları ilə bağlı suala cavab olaraq, Birləşmiş Krallığın vitse-baş naziri Britaniyanın Ukrayna prezidenti Volodimir Zelenskinin təqdim etdiyi bütün təklifləri diqqətlə nəzərdən keçirdiyini bildirib.

“Təfərrüatları bilmirəm, lakin biz prezident Zelenskinin bizə təqdim etdiyi hər şeyi çox diqqətlə nəzərdən keçiririk. Fikrimcə, biz birtərəfli qaydada NATO üzvlərinə şamil edilən eyni öhdəlikləri təkrar etməyəcəyik” – deyə Dominik Raab bildirib.