Yerevandakı Gürcüstan  səfirliyi ilə Ermənistanın Səhiyyə Nazirliyindən komunikasiya qurulub və nazirin adından baş vermiş hadisə səbəbi ilə narahatçılıq ifadə edilib-bu barədə Gürcüstanın Xİ naziri Davit Zalkaliani  Ermənistan Respublikasının Səhiyyə naziri tərəfindən  verilmiş bəyanatı şərh edərkən bildirib.

“İlk cavab olaraq, biz bir az bundan əvvəl gördük ki, onlar  rəsmi feysbuk səhifəsində bu mövqe ilə bağlı  müvafiq açıqlama veriblər. Bir az bundan əvvəl  Yerevandakı  səfirliyimiz   mənimlə əlaqə saxladı. Mənə məlumat verdilər ki, bir az bundan əvvəl  Ermənistanın  Səhiyyə Nazirliyindən səfirliyə zəng daxil olub. Səhiyyə Nazirliyinin Beynəlxalq Münasibətlər Departamentinin direktoru Ermənistanın Səhiyyə nazirinin adından zəng edərək, nazirin adından, sözlərindən  gürcü həmkarlarının inciməsinə görə  narahatçılıq ifadə edib.  Onların izahatına görə,onun sözləri səhv şərh edilib.Səfirlikdən bu mövqeyin Tbilisiyə çatdırılması istənilib″-deyə nazir bildirib.

Zalkalianinin sözlərinə görə, Ermənistanın Səhiyyə nazirinin şərhinin mətbuatda yayılmasından sonra  səfirlik erməni tərəfi ilə əlaqə qurub.

Eyni zamanda, Xarici İşlər naziri məlumatı yoxlamağın  və dəqiqləşdirməyin zərurətindən danışıb.

″Bugünkü dünyada heç bir şey gizlədilə bilməz, heç bir hal gizli qalmayacaq, çünki yoxlamaq  üçün çox sayda mexanizm var.

İnanmaq istəyirəm ki, bu mətbuatda səhv şərh edilib və  Ermənistanın  Səhiyyə nazirinin bir az bundan əvvəl səfirliyə edilən zəngində  ifadə edilən narahatçılıq    səmimidir”- deyə Davit Zalkaliani bildirib.

Hazırladı-Sevinc Mustafayeva