Kaspi rayonunun Axalkalaki kəndinin kortlarında keçirilən Devis Kubokunda İkinci Dünya Qrupunda Gürcüstanın oğlanlardan ibarət tennis komandası Tunis komandasına 3:1 hesabı ilə qalib gəlib, bu da yığmamızın 2024-cü il üçün I Dünya Qrupunun pley-off mərhələsində oynamaq hüququ qazanması deməkdir.

Turnirin ilk günündə təkbətək yarışda Saba Furtseladze və Zura Tkemaladze qalib gəlib. Bu gün Devis Kubokunda Gürcüstan və Tunis milli komandaları arasında qoşa yarış keçirilib və Aleksandr-Bakşi və Metreveli Tunis cütünə uduzub və 2:1 hesabı qeydə alınıb.

Saba Furtseladze dördüncü görüşdə də təkbətək görüşdə yenidən parlaq çıxış edərək, Duqazı iki setdə məğlub edərək Gürcüstan millisinə qələbə qazandırıb.

Gürcüstan millisinin tərkibi – Saba Furtseladze (450 reytinq), Zura Tkemaladze (698), Aleksandre Metreveli (826) və Aleksandr Bakşi (841).