“Rafael” dünyanın ən qabaqcıl şirkətlərindən biridir və biz modernləşdirmə üzərində işləyirik. Həmçinin Avropanın və dünyanın ən böyük müəssisələrindən biri olan Polşa dövlət müəssisəsi ilə həm hava hücumu, həm də zireh əleyhinə texnikanın alınması üzərində işləyirik – deyə Gürcüstanın müdafiə naziri Cuanşer Burchuladze bildirib.

Müdafiə naziri Ukraynadakı müharibənin səbəb olduğu satınalmalarla bağlı dəyişikliklərdən danışıb.

“Ukraynadakı müharibə istehsal templərini, üsullarını və satınalma vasitələrini dəyişdi. Bununla belə, Gürcüstan dünyanın demək olar ki, bütün əsas istehsalçıları üçün həmişə prioritetdir. Biz burada da nəticə əldə etmişik və yaxın vaxtlarda təfərrüatlar barədə ictimaiyyətimizə məlumat verəcəyik. Baş nazirin müdafiə naziri olduğu dövrdə aviasiyanın yenilənməsi istiqamətində başlayan proses uğurla həyata keçirilir”- deyə Cuanşer Burchuladze bildirib.

Gürcüstan Müdafiə Nazirliyinin mətbuat xidməti Cuanşer Burchuladzenin şərhini yayır.