Azərbaycan-Türkiyə-Gürcüstan üçtərəfli ministerialı çərçivəsində Cuanşer Burchuladze həmkarları ilə ikitərəfli görüşlər keçirib.

Gürcüstanın müdafiə naziri azərbaycanlı həmkarı, general-polkovnik Zakir Həsənovla görüşündə regiondakı təhlükəsizlik vəziyyətinə, sülh və sabitliyin vacibliyinə diqqət yetirib. Müdafiə nazirləri birgə həyata keçirilən və davam edən layihələri müzakirə ediblər.

Cuanşer Burchuladze, enerji layihəsinin həyata keçirilməsinin tarixi əhəmiyyət kəsb etdiyini və bunu bir neçə gün əvvəl Gürcüstanın Baş naziri və Azərbaycan, Rumıniya və Macarıstan liderlərinin imzalarının da təsdiqlədiyini açıqlayıb. Görüşdə tərəflər həmçinin müdafiə sahəsində ikitərəfli əməkdaşlığın istiqamətlərini, o cümlədən hərbi təhsil sahəsində əməkdaşlıq və çoxmillətli hərbi təlimlərdə birgə iştirak məsələlərini müzakirə ediblər.

Gürcüstan, Türkiyə və Azərbaycan üçtərəfli müdafiə ministerialı illər ərzində müntəzəm olaraq keçirilir və iştirakçı ölkələr rotasiya prinsipi ilə iclaslara ev sahibliyi edirlər. Üçtərəfli ministeriala bu il Türkiyə Respublikası ev sahibliyi edir.

Məlumatı Gürcüstanın Müdafiə Nazirliyi yayır.