Rus neftinin idxalına qadağa, Putinin “müharibə maşınının” sıradan çıxarılması üçün dönüş nöqtəsi kimi əhəmiyyətə malik qərardır- bu barədə  Aİ-nin Xarici Siyasət və Təhlükəsizlik Məsələləri üzrə ali nümayəndəsi Cozef Borrell “Twitter”-də yazıb.

“Aİ liderlərinin rus neftini qadağan etmək qərarını alqışlayıram. Putinin “müharibə maşınının” sıradan çıxarılması üçün dönüş nöqtəsi kimi əhəmiyyətə malik qərardır. Birliyimiz gücümüzdür ” -deyə Cozef Borrell yazır.

Aİ liderləri Rusiyaya qarşı altıncı sanksiyalar zərfinə dair razılıq əldə ediblər, bu mərhələdə qadağa rus neftinin idxalının 75 faizini əhatə edir. Konkret olaraq , qadağa boru kəmərləri ilə tədarük olunan neftə şamil edilmir. Avropa Komissiyasının prezidenti Ursula fon der Laiyen rus neftinin idxalına qoyulan qadağanın ilin sonuna kimi 90 faizə qədər artacağını bildirib.