Bolnisidə daha 6 nəfərin koronavirusa yoluxması müəyyən olunub.
Bolnisinin yerli munisipalitetindən verilən məlumata əsasən,yeni təsdiqlənmiş hallardan 4-ü Qeta (Aşağı Güləver) kəndindən,ikisi isə Muşevani(Dəllər) kəndindəndir.
Hər iki yaşayış məntəqəsində ciddi karantin rejimi qüvvədədir.
Qeta(Aşağı Güləver) kəndi klasterindən bu vaxt üçün 17 yoluxma halı təsdiqlənir.Kənddə ölçülər mayın 15-dən sərtləşdirilib.
Muşevani(Dəllər) kəndində yoluxanların sayı,bu gün təsdiqlənmiş halları da nəzərə alarsaq,artıq 40-dək artıb. Bu yaşayış məntəqəsində aprelin 25-dən sonra ciddi karantin rejimi tətbiq olunur.
Cəmdə laboratoriyaya 156 nəfərin tədqiq olunası materialı göndərilib.
Bu vaxt üçün Bolnisi Munisipalitetində koronavirusa 145 təsdiqlənmiş yoluxma halı qeydə alınır,onlardan 51-i sağalıb ,3-ü isə dünyasını dəyişib.
Rəsmi məlumata əsasən,Gürcüstanda bu vaxt üçün koronavirusa 677 yoluxma halı qeydə alınır.
Hazırladı –Sevinc Mustafayeva