Amsterdamda keçirilən “Ayaks”ın səhmdarlarının ümumi yığıncağında sabiq idman direktoru Sven Mislitantinin (Qiorqi Mikoutadzeni o komandaya gətirdi) transferləri mövzusu yenidən gündəmə gəlib. Səhmdarlar klubu yenidən zirvəyə qaytarmağı qarşılarına əsas məqsəd qoyublar – məlumatı “ajaxshowtime” yayır.

“”Ayaks” Amsterdamın müşahidə şurasının yeni sədri Maykl van Praaq klubu əvvəlki şöhrətinə qaytarmaq istəyir – səhmdarların yığıncağının əsas mesajı bu idi. Transferlərlə bağlı da bir çox kritik suallar qaldırıldı, lakin rəhbərlik və müşahidə şurası onların hamısına cavab verə bilmədi, bu isə keçmiş idman direktoru Sven Mislitant barəsində başladılan istintaqla bağlı idi.

Mislitant-a qarşı ittihamlara baxmayaraq, nəşr Qiorqi Mikoutadzeni “Ayaks” üçün yeni kəşfə çevrilməli olan oyunçu hesab edir.

“”Metsidən” gələn Qiorqi Mikoutadze hələ də amsterdamlı azarkeşlər üçün naməlum oyunçudur. Gürcü hücumçu daha çox Belçikada tanınır, çünki o, “Seren”də oynayarkən silinməz təəssürat buraxıb.

Özünə güvənən mərkəz hücumçusu Qatil instinkti ilə Zlatan İbrahimoviçi xatırladır. Amsterdamda hücumçu vəzifəsi uğrunda rəqabət Brobi və Akpom arasında gedir və Mikautadze üçüncü namizəd kimi meydana çıxıb. Belçikadakı reputasiyasına baxsaq, o, bu mübarizədə asanlıqla qalib gələ bilər”, – nəşr yazır.