Xəstəliklərə Nəzarət üzrə Milli Mərkəzin rəhbəri Amiran Qamğrelidzenin sözlərinə görə, karantin və təcrid müddətinin azaldılması ilə bağlı protokol hazırlanıb və yaxın günlərdə Səhiyyə Nazirliyinin müvafiq strukturları ilə bunu müzakirə edəcəklər.

Qamğrelidzenin də dediyi kimi , protokola əsasən, həm yoluxmuş şəxs , həm də yoluxmuş şəxslərlə təmasda olanlar üçün karantin və təcrid müddəti azaldılacaq.

“Xəstəliklərə Nəzarət üzrə Milli Mərkəzin karantin və təcrid müddətinin azaldılması üçün protokol hazırladığını təsdiq edirəm. Səhiyyə Nazirliyinə, konkret olaraq kontakt şəxslərlə bağlı bir protokol artıq göndərilib. Bu gün isə yoluxmuş şəxslərlə bağlı göndəriləcək. Bu gün və ya sabah Səhiyyə Nazirliyinin müvafiq strukturları ilə birgə müzakirə edəcəyik və nazirin əmri ilə təsdiqlənəcək. Həm yoluxmuş şəxs , həm də yoluxmuş şəxslərlə təmasda olanlar üçün karantin və təcrid müddətinin azaldılacağını təsdiqləyirəm” – deyə Amiran Qamğrelidze bildirib.