Xəstəliklərə Nəzarət üzrə Milli Mərkəzin rəhbəri Amiran Qamğrelidzenin sözlərinə görə, bugünkü məlumatlara əsasən, Gürcüstanda “Omicron”-a 51 yoluxma halı laboratoroloji yolla təsdiqlənib və onlarla şübhəli hal ilə əlaqədar tədqiqat aparılır.

“18 yaşına çatmamış beş uşaq var, onlardan biri stasionardadır, lakin “Omicron”-a yoluxduğuna görə deyil, onun əsas, başqa xəstəliyi olduğuna görə stasionardadır. “Omicron”-un yayılması səbəbi ilə real təhlükələr mövcuddur. Xəstəliklərə Nəzarət üzrə Milli Mərkəz bazar ertəsi günündən etibarən “Omicron”-un ölkədə müxtəlif ştammların dövriyyəsindəki rolu haqqında həftəlik hesabat dərc edəcək. İlk belə xam hesablama cümə günü edilib və “Omicron”-un müsbətlilik payının ümumi müsbətlərdəki payı 0,6-0,7% hesablanıb. Bir həftədən sonra bu payın nə dərəcədə artacağını görəcəyik” – deyə Qamğrelidze bildirib.

Amiran Qamğrelidze bildirir ki, yaxın 2-3 həftə ərzində “Omikron”-a yoluxanların sayı artacaq.

“Əminəm ki, 2-3 həftəyə “Omicron”-a yoluxma hallarının sayı artacaq, lakin müxtəlif ölkələrə xüsusən də “Omicron”-un başladığı ölkələrə nəzər salsaq, hələlik bu variantın ağır kliniki gedişatla xarakterizə olunmadığını görərik. Biz artım olacağını təsdiqləyirik” – deyə Amiran Qamğrelidze bildirib.