Daxili İşlər naziri Vaxtanq Qomelauri, Amerika Birləşmiş Ştatlarının Gürcüstandakı səfiri Kelli  Deqnan ilə görüşüb. Məlumatı Daxili İşlər Nazirliyi yayır.

Qurumdan verilən məlumata əsasən, səfir Vaxtanq Qomelaurini Polis Günü münasibətilə təbrik edib və ona rəmzi hədiyyə  verib.

Görüşdə Vaxtanq Qomelauri, yeni növ koronavirus pandemiyasına qarşı effektiv mübarizədə göstərdiyi köməyə və Gürcüstanın Daxili İşlər Nazirliyinin polis bölmələri üçün fərdi mühafizə vasitələrini   verdiyinə görə ABŞ səfirinə təşəkkür edib.

 Öz növbəsində, Keli Deqnan, “Covid-19” ilə mübarizə prosesində    Gürcüstan hüquq-mühafizəçiləri tərəfindən yüksək peşəkarlığın nümayiş olunduğunu vurğulayıb və Gürcüstanın Daxili İşlər Nazirliyinə yeni növ koronavirusun yayılmasının qarşısını almaq məqsədi ilə görülən effektiv tədbirlərə görə təşəkkür edib.

Görüşdə tərəflər həmçinin, Rusiyanın son zamanlarda Richard Luqar adına  İctimai Səhiyyə  Tədqiqat Mərkəzi ilə bağlı verdiyi bəyanatlarını   və son zamanlarda   gürcü kəndləri yaxınlığında  Rusiya işğalçı qüvvələri tərəfindən  yenilənmiş qanunsuz borderizasiya məsələlərini   müzakirə ediblər.

Məlumatı Gürcüstanın Daxili İşlər Nazirliyi yayır.

 Hazırladı-Sevinc Mustafayeva