Բևեռացումը խարխլում է Վրաստանում ժողովրդավարական գործընթացները: Բոլոր ուժերը՝ և՛ մեծամասնությունը, և՛ ընդդիմությունը, պարտավոր են երկխոսություն սկսել, ներգրավվել երկխոսության մեջ, պաշտպանել և հարգել ժողովրդավարական սկզբունքները,- այս մասին հայտարարել է Եվրոպայի խորհրդի գլխավոր քարտուղար Ալեն Բերսեն՝ Թբիլիսիում անցկացված մամուլի ասուլիսին:

Ըստ Ալեն Բերսեի, «ժողովրդավարությունը չի կարող գոյատևել նման ոչ պատշաճ վերաբերմունքի մշտական բախման պայմաններում»:

«Եվրոպայի խորհուրդը պատրաստ է նպաստել նման երկխոսությանը։ Մենք կարող ենք դա անել՝ օգտագործելով հավատքի և վստահության մեխանիզմներ, սակայն, իհարկե, Վրաստանի բնակչության, մարդկանց և այստեղ առկա գերատեսչությունների ձեռքում է վերածնել և ամրապնդել լիովին գործուն ժողովրդավարությունը, որում պետք է ներգրավված լինեն բոլորը, ներառյալ փոքրամասնությունները, քաղաքացիական հասարակությունը և այլն», – ասաց Ալեն Բերսեն:

Պատրաստված է համաժամանակյա թարգմանությամբ։