Երեկ Ազովստալից տարհանվել են մեր 53 ծանր վիրավոր զինծառայողները, որոնց վիճակը կայունանալուց հետո մենք կփոխանակենք ռուս ռազմագերիների հետ. Իրինա Վերեշչուկ
Երեկ Ազովստալից տարհանվել են մեր 53 ծանր վիրավոր զինծառայողները, որոնց վիճակը կայունանալուց հետո մենք կփոխանակենք ռուս ռազմագերիների հետ. Իրինա Վերեշչուկ

Ուկրաինայի փոխվարչապետ Իրինա Վերեշչուկի խոսքով՝ Մարիուպոլում շարունակվում է ռազմական փրկարարական գործողությունը «Ազովստալի» տարածքից։

Ուկրաինայի կառավարության ներկայացուցիչն ասում է, որ ծանր վիրավոր զինվորների առողջական վիճակի բարելավումից հետո Կիևը նրանց կփոխանակի ռուս ռազմագերիների հետ։

«Կյանքեր փրկելու նպատակով երեկ տարհանվել է մեր 53 ծանր վիրավոր զինծառայող։ Նրանց վիճակը կայունանալուց հետո մենք նրանց կփոխանակենք ռուս ռազմագերիների հետ։ Մենք աշխատում ենք հումանիտար գործողության հետագա փուլերի վրա։ Ամեն ինչ լավ կլինի»,- ասել է Վերեշչուկը։