Խնդրում ենք միջնորդել համապատասխան մարմինների առջև, որպեսզի Արչիլ Տատունաշվիլու դին վերադարձվի ընտանքին. Իլիա Երկրորդ
20:30, 02.03.2018
Համայն Վրաստանի կաթողիկոս-պատրիարք Սրբազնագույն և Երանաշնորհ Իլիա Երկրորդը, բռնազավթված Ցխինվալիում մահացած Արչիլ Տատունաշվիլու դիակի տեղափոխման հարցով նամակով դիմել Ռուսաստանի պատրիարք Կիրիլին:
Նամակը հրապարակվել է Վրաստանի պատրիարքարանի կայքէջում:
Նամակում մասնավորապես նշվել է, որ արդեն մեկ շաբաթիից ավելի է, Արչիլ Տատունաշվիլու դին չի փոխանցվում ընտանիքին և նրա ծնողները հնարավորություն չունեն հուղարկավորելու նրան քրիստոնեական ձևով:
«Տեղյակ ենք, որ այս հարցի որոշումը Ձեր իրավասությունը չէ, սակայն խնդրում ենք, կիրառել Ձեր բարձր հեղինակությունը և միջնորդել համապատասխան մարմինների առջև, որպեսզի Արչիլ Տատունաշվիլու դին վերադարձվի ընտանքին»,- նշված է նամակում:
