Առողջապահության Համաշխարհային Կազմակերպության իմունիզացիայի և պատվաստումների կառավարվող հիվանդությունների ծրագրի կառավարիչ, Սիդհարթա Դատայի հայտարարությամբ, Վրաստանի կառավարությունը փորձում է թափանցիկ կերպով կառավարել կորոնավիրուսի հետ կապված գործընթացները:

Ըստ նրա, կառավարությունը հենց սկզբից մեծ ջանքեր է գործադրել համավարակը կառավարելու համար:

«Մենք հետևում ենք, թե ինչ է արել Վրաստանը «կովիդ 19»-ի դեմ: Կառավարության կողմից հասարակության հետ տեղեկատվություն կիսելու գործում բաց լինելը ևս մեկ անգամ ապացուցում է, որ նրանք թափանցիկորեն փորձում են կառավարել այս գործընթացը:

Ի սկզբանե գործընթացում լավ ջանքեր են գործադրվել, նրանք հենց սկզբից փորձել են բուժել բոլոր հիվանդներին, համապատասխանաբար վերազինել բոլոր բժշկական հաստատությունները: Այնուամենայնիվ, այն փաստը, որ այսօր երկրում արդեն առկա են չորս տարբեր պատվաստանյութեր, նշանակում է, որ կառավարությունը մեծ աշխատանք է կատարել:

Այսօր, իմ վրացի գործընկերներից լսել եմ օրինակներ, որ մենք կարող ենք լավ օգտագործել ոչ միայն Վրաստանում, այլ նաև շատ այլ երկրներում: Ամփոփելով կարող եմ ասել, որ Վրաստանի կառավարությունը և բժշկական հաստատությունները շատ կարևոր և անգնահատելի աշխատանք են կատարել այս գործընթացը ղեկավարելու գործում», – հայտարարել է Առողջապահության համաշխարհային կազմակերպության ներկայացուցիչը: