Բոլորս քաջ գիտակցում ենք, որ մարդիկ, որոնք հնարավոր է, լինեն վարակի կրողները, ունեն որոշակի պարտականություններ մեր երկրի յուրաքանչյուր քաղաքացու առջև և ինքնամեկուսացման ռեժիմին համապատասխան հետևելն այսօր մեր քաղաքացիական պատասխանատվության կարևորագույն բաղադրիչներից է,- այս մասին հայտարարել է Վրաստանի վարչապետ Գիորգի Գախարիան՝ կառավարության նիստին:

Վրաստանի կառավարության ղեկավարի խոսքով, ամենակարևոր և միակ գլխավոր մարտահրավերը, որին բախվել է համակարգող խորհուրդը նոր կորոնավիրուսի հետ կապված, դա ինքնամեկուսացման ռեժիմի պաշտպանությունն է:

«Կոչ եմ անում քաղաքացիներին, որոնք գտնվում են ինքնամեկուսացման մեջ, խստորեն հետևեն պայմաններին: Ինչպես նաև, ներքին գործերի նախարարությանը հանձնարարում եմ, համակարգման մեջ լինել առողջապահության նախարարության հետ և ապահովել այն քաղաքացիների կողմից ճշգրիտ և համապատասխան կանոնների կատարումը, որոնք սահմանված են առողջապահության նախարարության կողմից»,- հայտարարել է Գիորգի Գախարիան: