Հաշտության և քաղաքացիական հավասարության հարցերում պետական ​​նախարար, Թեա Ախվլեդիանիի հայտարարությամբ, միջազգային գործընկերներին տեղեկացրել են Խուրվալեթիում ընթացող իրադարձությունների մասին, և այդ գործում ներգրավված է Պետական ​​անվտանգության ծառայությունը:

«Վրաստանի բռնազավթված տարածքներում իրականացրած ցանկացած գործողություն անօրինական է, և մենք, բնականաբար, դատապարտում ենք օկուպացիոն ռեժիմի կողմից ցանկացած սադրիչ գործողություն: Կոնկրետ այս միջադեպի վերաբերյալ միջազգային գործընկերներըտեղեկացվել են: Իհարկե, Պետական ​​անվտանգության ծառայությունն անմիջապես միջամտեց հարցին, գործի դրվեց թեժ գիծ և համապատասխան գերատեսչությունները արձագանքել են փաստին», – հայտարարել է Թեա Ախվլեդիանին:

Խուրվալեթիում, բռնազավթիչ ռեժիմի ներկայացուցիչների ապօրինի գործողությունների վերաբերյալ լրատվամիջոցներում տարածված տեղեկատվությունը մեկնաբանելիս, ՊԱԾ-ում հայտնել են, որ յուրաքանչյուր նման գործողություն գնահատվում է միջազգային գործընկերների հետ միասին:

«Օկուպացիոն ռեժիմի ներկայացուցիչները ժամանակ առ ժամանակ անօրինական գործողություններ են իրականացնում բռնազավթված տարածքում: Յուրաքանչյուր գործողություն գնահատվում է անհատապես Պետական ​​անվտանգության ծառայության կողմից, միջազգային գործընկերների հետ համագործակցությամբ: Յուրաքանչյուր գործողություն և դրա արդյունքում առաջացող սպառնալիքը համարժեք արձագանք է ստանում միջազգային գործընկերների օգնությամբ», – ասել են ՊԱԾ-ում: